Dil ne ik Awaaz ki

Dil ne ek Awaaz ki..
Shayad kuch toota hai andar..
Jhank kar dekhun..
Kahin koi dor toh nahi..
Ya poora dil hi mera..
Toota.. Bikhra.. Kanch ki tarah..

Ek umar katti teri yaad me..
Ya tere intezaar me.
Mujhko maaloom nahi..
Kal bhi tere the.. Aaj bhi tere hain..
Zara ruk kar dekh toh le zalim
Mera aansu sunehre hain..

Kuch geet likhe hai..
Kuch gungunaye hain..
Mene apne saare lamhe..
Tere intezaar me bitaye hain..
Aa mil kabhi.. Iss dunia se parrre hokar..
Kuch sapne hain, jo mene khuli aankhon se sajaye hain..

Haath khaali hain..
Dil bhara hai..
Hum bhi kya kare..
Meri aankhon ke saamne hi mera qaatil khada hai.
Bin bataye.. Bin jataye..
Doosre ki baahon me mera pyaar pada hai..

Thik hai phir..
Humko bhi ye ab manzoor sitam hai..
Tune chuna use apna sanam hai..
Hum bhi ab teri raah dekhna chor denge..
Tu kabhi kahin kisi mazaar me milli..
Toh uss mazaar se naata tod denge..

Karenge utni hi shiddat se Nafrat..
Jitni shiddat se tumse pyar kia hai..
Tum bhi utni hi berukhi se pesh aana..
Jitni dedardi se tumne is mareez ka dil taar taar kia..

Dil ne phr ek Awaaz ki hai..
Dekhun.. Kuch toota hai kya shayad! :)

PS: This is my first try at Hindi Poetry. It has nothing to do with any of my feelings.